Kondolenzbuch

Und schon wieder isch a Johr vergongen
… und trotzdem, wenn i dron denk,
kimmts ma vor als wars erst gestern gwesn😔
… es gibt Dinge und Situationen im Leben,
an de werd i mi nia dagwöhnen …
meistens tröst i mi damit, dass du wirklich
erlöst wordn bisch und dass dei long
ersehnter Wunsch sich erfüllt hot …
Natürlich geaht’s Lebm weiter
oba es verändert sich so vieles
und es fahlt a vieles …
a gabats no a poor offene Fragn …
Wia holt immer, gell …

Pfiati Mama und bitte schau fescht oba🙏
… danke, dei Madl 🌻😘

Bitte, liebe Irmgard …
schick deiner Petra ollm wieder die Kraft,
dass sie mit dem so vollen Rucksack
no weiter kimmt …

Sie nit selber irgendwann,
mit der ganzen Lascht zomm bricht …

I hoff so fescht, dass mei Bitten bei dir onkimmt …

Liebe Mama ❤️
… nun sein schon 2 Johr vergongen
und du fahlsch mir nach wie vor so sehr
… a wenn i di und Papa jeden Tog bsuach,
ischs oftramol uamfoch nit zen glabm 😞 …
Es hot sich so einiges ereignet in de letzten
2 Johr … des uanzig guate isch, dass i nun
in Pension bin … ober sonst gibt’s wenig
schians zu berichten … der Rucksock werd
ollm voller und schwarer … oft isch er foscht
nimmer zen datrogn, Mama 😪 … i bitt enk
innigst ums fürsprechn, dass es endlich amol
a bisserl leichter werd 🙏🙏
Dass es dir und Papa guat geaht, bin i mir sicher
… a, dass es auf enkere Kinder schauts …
danke dafür 🌟
Iatz werd i no a poor Fotos onschaugn, nocha
sein mir uns gonz nahe … pfiati derweil Mama❤️😘

Ach Mama …
hon grod zum Papa gsog,
dass iatz des Endgültige kemmen isch …
Mama, des Abschied nehmen
wor heite schlimm …
dei Seele und des letzte Klammern
isch nun vorbei 😪 …
oba i konn mit großer Dankbarkeit
und an Lächeln zruck schaugn …
auf a wunderschiane Zeit
mit viel Freuden und einiges an Leiden …
in meinem Herzen
bleiben die schianen Momente,
Stunden Tage und Jahre,
für die i euch auf ewig dankbar bin …

pfiati derweil Mama 😘❤❤

Ach Mama …
heit fongat für di wieder a nervöse Zeit on,
de dir des Atmen no schwarer mochat …
Des bleibt dir iatz erspart und
du konnschs iatz sicher mitn Papa geniessen …
wo immer ihr zwoa seids!

Mit Freude und Wehmut denk i an unsere Weihnachten zruck …
bin so donkbor, dass ihr zwoa für uns Kinder
ollm des beste gebm hobts …
so bleiben holt de schianen Erinnerungen
und die Gefühle im Herzen drinnen …
a Weihnacht wie’s früher wor, hob i,
wenn i an enk zwoa denk😪❤

In ewiger Liebe … enker Madl🌟🕯

Liebe Mama!

Heute, vor genau einem Jahr,
fast zur gleichen Stunde,
hob i dei Stimme das letzte mal gehört …
hast mich angerufen und mir nochmal erzählt,
dass Walter freiwillig aus dem Leben ging …

Trotz der Tragik und Aufregung,
wor dei Stimme ruhig und dei Atmung unauffällig …
du hosch erzählt und erzählt …
Hob di gor nit unterbrechen wolln Mama,
weil mir vorkemmen isch,
dass du ollerhond loswerden hosch wolln …
niemols hosch so long mit mir telefoniert,
als an dem letzten Abend …
eigenartiger Weise konn i mi
an foscht olles no so guat erinnern …
a wia ma uns donn verobschiedet hobm,
mit den Worten: morgen sechn mir uns eh,
nocha red ma nomol über olles …
i gfrei mi … guate Nocht und schlof gonz guat.

Mama, no immer sitzt der Schmerz sehr, sehr tief …
und mittlerweile isch er doppelt so groass,
weil es boade mir so unbeschreiblich fehlts!😥😪
Trotz meiner Trauer und dem Schmerz,
will i mi für die Kraft und Stärke bedanken liebe Mama …
a für die Werte, die besonders du, als Mama,
uns Kindern mitgegeben hast.

Du, als beste Mama, Freundin und Vertraute,
wirst für immer in meinem Herzen bleiben …
ich vermisse dich mehr denn je …
doch weiss ich auch,
dass du nun unsere stille Begleiterin bist
und du ganz bestimmt deine Mutterhände
schützend über uns halten wirst!

Ich danke dir dafür und bitte dich,
schau weiter oba und auf uns!
In ewiger Liebe, dei Madl❤🌟🌟

Liebe Mama,

es zwoa werdets euren Hochzeitstog
bestimmt nochfeiern!
Warum Papa so schnell gongen isch Mama?
Du wersch uamfoch gsogt hobm:
iatz isch genuag getrauert und gelitten …
iatz hol i di zu mir ❤ …
Für mi wors a Schock Mama …
bin lei für 2 Stund weg gwesn …
do hobts enk ordentlich gschleint …
trotzdem … i werd des a no irgendwie,
irgendwann dapockn …
genießts eure neue/alte Gemeinsamkeit 😘❤

Liebe Petra …

Du bisch ein Engel auf Erden.
Hasch so liebevoll auf dei Mama gschaugt.
Und hetz werd di Mama von obm oba schaugn …
und vertrau drauf … sie werd für enk olle do sein …

Was mir das Leben hat gebracht,
ich lasse alles zurück,
vieles war mir zugedacht,
Trauer, Freude, Leid und Glück.
Bei euch ihr Lieben durft ich sein,
mit euch durchs Leben schreiten,
diesen Weg geh ich allein
Engel werden mich begleiten …

Liebe Irmgard!

Oft dachte ich mir wie es Dir wohl gehen mag
nachdem ich Dich schon lange
nicht mehr getroffen hab …
Umso bestürzter war ich, erst beim Rosenkranzgebet
von Deinem Abschied zu erfahren …
Die schönen Erinnerungen an die gemeinsame Zeit
beim Kirchenchor werden bleiben
und Dich nie vergessen lassen.

Oamol sehgn mir ins bestimmt wieder …

Liebe trauernde Angehörige!

Hätte man den Glauben, die Liebe, die Hoffnung nicht,
wäre das Abschiednehmen von einem
geliebten Menschen wohl unvorstellbar schwer.
So aber wird es erträglicher,
weil sie in Gottes Geborgenheit
und nur getrennt durch Zeit und Raum ist.

In herzlicher Anteilnahme.

Liebe Trauerfamilie!

Die Hoffnung ist wie ein Sonnenstrahl,
der in ein trauriges Herz dringt.
Öffne es weit und lass sie hinein.
(Christian Friedrich Hebbel)

Wir wünschen euch viel Kraft
in dieser schweren Zeit.

Aufrichtiges Beileid.

Liebe Petra!

Mein herzliches Beileid!
Viel Kraft verbunden mit einer innigen Umarmung!

Es ist sehr schwer tröstende Worte zu finden,
wenn sich ein Mensch,
der uns einen Teil unseres Weges begleitet hat,
für immer verabschiedet.

Lieber Hermann, liebe Petra, lieber Georg und Georg,
unser aufrichtiges Beileid.
Wir wünschen euch viel Kraft in dieser schweren Zeit.

Liebe Irmgard,
leise winke ich dir von meiner Terrasse
ausnoch einmal zu …

Ruhe in Frieden!

Und meine Seele spannte weit ihre Flügel aus,
flog durch die stillen Lande,
als flöge sie nach Hause.
(Joseph von Eichendorff)

Lieber Georg mit Familien!

In dieser Stunde fällt es schwer
die richtigen Worte zu finden.

Ich wünsche euch viel Kraft
für die kommende schwere Zeit!

Mein tiefes Beileid und Mitgefühl,

Liebe Mama,
es isch so schwar ohne di …
a Schmerz, den man nit beschreibn konn …
du worsch des Herz der Familie …
olles hosch dafür gebn …
dei Bestreben wor olm Harmonie und Friede …
Aussredn und Onredn, wenns mol wos gebn hot …
so, wias holt überoll onderst a der Foll isch …
so schwar wors dir oft, mit der Kronkheit …
du hoschs nia onnehmen und a nit verstiahn können …
es woren so viel Johr, de du mit Papa in den Bergen,
Seen und mit täglichen Spaziergängenin
oller Herrgottsfriah genossen hosch …
es wor für enk Boade des Schianste …
und auf uamol wors vorbeiund du hoschs nimma dapockt …
wia oft du drunter glittn hosch …
dei Lebensqualität hot von Johr zu Johr obgnommen …
es wor a für uns oft nit leicht …
und trotz ollem, hom mir gonz viele
und schiane Momente kob,
für dei i mehr als donkbor bin …

Liebe Mama …
in mir fühlt sichs on,
als hattesch a Stückl von mir mitgnommen …
des zu wissen, dei Stimme nie mehr zu hearn,
di nie mehr zu sechn, mit dir nie mehr zu ratschn …
isch unvorstellbor …

Mama …
i bin so donkbor und froah,
dass du kuan Weah leiden hosch miassn,
dass dahuam worsch und Papa und Hermann
ollm bei dir kob hosch …
von gonzem Herzen donk i dem Herrgott,
dass es wor wias holt wor!

Danke, dass du unsere Mama worsch …
die beschte und liebevollste,
dei mir uns wünschen hobm können!

Liebe Mama …
iatz hosch a leichts Schnaufn …
jeder Uanzelne gönnt dir deis … Ruhe in Frieden …
nomol danke für Alles …
und bitte schau oba …

In innigster Liebe!